☭ marselip0910 叶俊华™

第一次睇呢個泰國Canon(佳能)相機產品廣告就覺得好正,呢個廣告搵左泰國國際名模Paula Taylor(英泰混血)做主角,超好聽的歌加上超漂亮的女主角,實在係不能錯過.我尤其喜歡首廣告歌,好配合廣告主題.



原來呢首廣告歌係取自BoydPod組合的一首歌"Rueng Jing真實的故事".BoydPod唔係一隊樂團組合,正宗講法係Boyd featuring Pod.因為BoydPod係指音樂人Boyd Kosiyapong及搖滾樂團Modern Dog的主音阿Pod.(Pod Moderndog)


上: Boyd(右)個樣直情係老牌音樂人,Pod(左)就年輕一些,但都俾人話係兩位大叔.

Boyd係泰國著名的音樂人,集制作,寫歌,唱歌於一身,有自己的獨立公司,制作音樂,動畫電影同音樂電影等.Modern Dog曾經係被力捧衝出泰國的搖滾樂隊,到過美國日本演唱,亦都係泰國獨立音樂的佼佼者.Boyd同Modern Dog都曾屬於獨立唱片公司Bakery Music名下.Boyd出過好多專輯,好多時都會搵有名氣的歌手唱佢既作品.08年初,Boyd就同Pod合作的一曲好優雅既"Rak Koon Kao Eek Laew再一次愛上你",呢首歌更流行一時.於是我將佳能廣告的片段加上"再一次愛上你"的MV,同佢地造左個"真實的故事"的KTV,配埋中英文字幕.呢首歌真係好正,唔好以貌取人.大家睇睇.



08年5月推出左佢地既專輯"Bittersweet苦樂人生"收錄左13首歌,包括頭先講既"再一次愛上你".

上: "苦樂人生"專輯封面.

除左音樂專輯外,佢地仲整左一部同名的非商業制作電影,在泰國少數戲院上映.電影由13部短片組成,亦即係改編自專輯內13首歌.


上: "苦樂人生"電影海報

雖然"苦樂人生"唔屬於商業製作,但都搵左紅極一時既電影"小情人"的一眾超人氣導演執導,更邀請到泰國知名的青春片男女主角演出,大家可睇睇中文字幕預告片.



Boyd真係非常有料的制作人,令我諗起明哥的"你頭上的光環",艷麗有限,智慧無限.唔好以為光頭大叔實唔啱Key.想聽下"再一次愛上你",可登入:
http://hk.myblog.yahoo.com/jw!5xmUDiiRERlViEpvKtHHjwQHvQ--/jw!5xmUDiiRERlViEpvKtHHjwQHvQ--/article?mid=101